Carlos Baladoren konferentzia mugikortasun elektrikoari buruz ITS Euskadi kongresuan

Carlos Baladoren konferentzia mugikortasun elektrikoari buruz ITS Euskadi kongresuan

Carlos Baladok, Ingartekeko kideak, mugikortasun elektrikoari buruzko konferentzia eskainiko du datozen ostegun eta ostiralean ospatuko den ITS Euskadi kongresuan, Gipuzkoako Ganberatik zuzenean eta online.

Udalerriek dituzten erronkak

Carlos Baladok mugikortasun elektrikoaren desafioaren aurrean udalerriek dituzten erronkak azalduko ditu. Ingartekek Urola Kostako Udal Elkartearentzat egindako azterlana adibide gisa hartuta, mugikortasun elektrikoarekin lotutako planak garatzeko udalerriek gaur egun dituzten beharrak azalduko ditu.

Baladok 2030erako matrikulazioen bilakaera erakutsiko du, baita epe horretan mugikortasunari dagokionez iritsiko diren joerak ere. Datu horietan oinarrituta, azalduko du mugikortasun berriak hainbat sektoretan izango duen eragina, hala nola automobilgintzan eta mugikortasunean, energian eta zerbitzuetan, sektore publikoan, enpresetan, aisialdian eta formakuntzan.

Garraio-sistema adimendunak

ITS Euskadi kongresuak Garraio-sistema adimendunekin lotutako berrikuntzak aurkeztuko ditu. Bertan, besteak beste, gai hauek jorratuko dira: mugikortasunaren eta azpiegituren kudeaketa, elektromugikortasuna, pertsonen mugikortasuna eta mugikortasun autonomoa, monitorizazioa eta trazabilitatea edo C-ITS zerbitzu kooperatiboak.

Kongresuaren helburua da ordezkatzen duen industria-ehunaren ITS arloko lidergoa sustatzea, sektoreko azken berrikuntzei buruz eztabaidatzea, esperientziak trukatzea, hedapen-foro espezialista bat sustatzea eta parte-hartzaileen arteko lankidetza bultzatzea.

Biltzarrean izena emateko, mezu elektroniko bat bidali behar da mlcluster@mlcluster.com helbidera. Hizlarien parte-hartzea online izango da, eta izen-ematea doakoa izango da. Programa osoa honako esteka honetan kontsulta daiteke: ITS Euskadi 2020 Kongresua.

Mugikortasun eta garraioko aholkularitza eta ingeniaritza

Ingartekek kongresuan ITS Euskadiko kide gisa eta mugikortasun eta garraioko aholkularitza eta ingeniaritza gisa parte hartuko du. 15 urte baino gehiagoko esperientziarekin, irtenbideak eskaintzen dizkiegu hiriei, haien administrazio publikoei eta herritarrei, garraioaren, zirkulazioaren, mugikortasunaren eta hiri-irisgarritasunaren kudeaketa optimizatzeko.

Joan-etorrietan herritarren mugikortasuna errazten duen mundu bat lortzera bideratzen ditugu gure zerbitzu guztiak.