Ingartekek ITS España Kongresuan hartuko du parte

Ingartekek ITS España Kongresuan hartuko du parte

Ingartekek ITS España kongresuan hartuko du parte apirilaren 1 eta 3 bitartean. Garraioko Sistema Adimendunen inguruko XIX. Kongresuan, ITS, hainbat gai landuko dira, besteak beste: korporazio-sistemak, datu irekiak, ITSak, Smart Cities direlakoak, eta trafikoko datu-iturri berriak.

Kongresuak aurreko edizioetan izan zuen helburu bera izango du: jakintzen eta esperientzien hartu-emana erraztea Garraio Sistema Adimendunen garapenean, sustapenean eta hedapenean lan egiten duten enpresa eta erakunde guztien artean. Kongresuan 400 parte-hartzaile eta 125 erakundetik gora hartuko ditu. Gainera, 15 saio tekniko baino gehiago egongo dira azpiegitura adimenduen, gidatzeko autonomoaren, logistikaren, trafikoaren kudeaketaren edo ibilgailu konektatuen inguruan, esaterako.

Parte hartuko duten hizlarien artean dugu Isidro Arrieta, MBA eta Ingeniaria Elektronika eta Telekomunikazioetan, eta Ingartek Consulting-en sortzaileetako bat. Arrietak Ingartekek datuen iturri berriak mugikortasunaren analisia eta plangintza egiteko izan duen esperientzia azalduko du. Arrietak “Nuevas fuentes de datos para el análisis y la planificación de una movilidad más sostenible: Utilidad, alcance y limitaciones” hitzaldia eskainiko du apirilaren 2an, asteartea, arratsaldeko 6etan.

Azken urteotan garapen teknologiko nabarmena bizi izan da datuen kapturaren eta haiek garraio ereduetan erabiltzearen inguruan. Datu-iturri berriek granulartasun handiagoa ematen dute denboran eta espazioan, zehatzagoak dira eta, ondorioz, plangintzaren eredu tradizionalen hainbat etapa errazten dituzte. Ingarteketik, Arrietak datu-iturri berri horiek aplikatu dituzten hiru kasu praktiko aurkeztuko ditu: Telefono mugikorreko datuak plangintzaren zehaztasuna hobetzeko, floating car data datuak ibilgailuarentzat eta konektatutako erabiltzailearentzat zerbitzuak sortzeko eta, azkenik, garraio publikoko ibilgailuen FMS-tik lortutako datuak, gidatzeko modu efizienteagoa lortzeko.

Kooperazioko sistemen eboluzio azkarra, gidatze autonomoaren aldeko apustua, Big Dataren gero eta erabilera handiagoa, garraio publikoan informazio sistemen hobekuntza, ITSek Smart Cities direlakoei egindako ekarpenak eta mugikortasuna zerbitzu gisa izango dira ITS España Kongresuan jorratuko diren gaietako batzuk.